مايكل أبو حديد | Prison Break "Egyptian Edition" :D

-هقطعك يا محسن دا انا مايكل ابو حديد ياض واخد بطولة الحارة في ال

wining eleven

يقاطع كلامه نغمة تنبيه الرسائل

"ببص لروحي فجأة لقيتيني كبرت فجأة تعبت من المفاجئة ونز........"

يضغط مايلك زر توقف اللعبة ويقرأ الرسالة فيجدها كلمني شكراً من رقم غريب

-الو ....انت مين يا عم

-انت مايكل ابو حديد

-ايوا انا انت باعتلي كلمني شكرا لية

-انا المقدم مدحت الهون أخوك محبوس عندنا في القسم

يدخل مايكل مندفعاً الى قسم الشرطة فيجد أخوه أبو عزة مقيداً بالكلبشات

-في اية يا اخويا مالك يا ابو عزة

-انا مظلوم يا مايكل ... مظلوم مظلوم

-تهمتك اية يا اخويا

-ملفقنلي مخالفة سير عكس الاتجاه بالمكيروباص بتاعي وانا والله ما كنت اعرف

-ماتخافش انا هطلعك من هنا

-ازاي؟

-أنا أعرف المقاول اللي بنى القسم دا.....وانا ههربك

**

في اليوم التالي

-ها عملت اية؟؟ أبو عزة متسائلاً

يرفع مايكل القميص عن صدرة فيظهر جزء غير واضح من وشم مرسوم على جسمة

-اية رسمت رسومات السجن على جسمك

-رسومات اية يا عم المقاول طلع مايعرفش هو بيبني اية أصلاً دا كان بيبني كدة ارتجال

يواصل مايكل رفع القميص فيظهر الوشم كاملاً

"تمر حنة"

-اية رأيك في الوشم دا

-جامد جداً انا بحب الفيلم دا جدا

-اطمن يا ابو عزة انا هخرجك

-ازاي يا مايكل

-انا هبعتلك أكل حاطط لك فيه دوا اسهال بطنك هتوجعك وهينقلوك على المستشفى وانا هغمز سواق الاسعاف ب 10 جنية وهو هيهربك

**

ابو عزة ملقى على الأرض وهو يتلوى من الألم

يصرخ مايكل

-اخويا يا ناس الحقونا

**

يركب مايكل مع ابو عزة عربة الأسعاف وينجح مايكل في تخدير العسكري والسائق ويأخذ السيارة ويهرب

على حدود القاهرة يستوقفهم أمين شرطة

-رخصك

-معاييش يا باشا

-خدوهم ع البوكس

**

يجلس مايكل مع ابو عزة داخل قفص الاتهام

-حكمت المحكمة حضوريا على المتهمين بالسجن 10 أعوام مع الشغل والنفاذ بعد ثبوت تهمة القيادة بدون رخصة عليهما

تنهمر دموع ابو عزة

بينما يضرب مايكل نفسه بقوة باستخدام كتيب قانون المرور الجديد

قطع

عمرو خاطر