Thursday, December 11, 2008

الدمعة محبوسه


الدمعه محبوسه

بتداري طيبه قلبك

ورا قساوة وش

بقيت خايف تضحك

احسن تكون بتغش

بتغش قلب حزين

ورا ابتاسمة دبلانه

بتغش دمعه في عينك

واقفه حيرانه

بتغش غنوه في صوتك

بس سكتانه

عشت عمرك كله تحلم بحضن

حضن واحد!

مش مهم مين يحضنك

المهم انه ينسيك الحزن

حد ترمي وشك جوه سدره وتبكي

حد تفتحله قلبك وعن همومك تحكي

لما تصرخ يصرخ فيك

يهديك

يداوي جراحك

يعيد افراحك.

يطبطب على كتفك

ويقولك بكره جاي النهار

خايف لما تموت يقسموك اتنين

قلبك يخش الجنة

وانت تخش النار

عشت عمرك كله

خايف تاخد قرار

حتى حب حياتك الوحيد

كان حب كدة

من بعيد لبعيد

سيبتة يضيع!

فضلت واقف محتار

عشت تحلم بلحظة الاختيار

ولما جاتلك الفرصة

خفت

هربت

وسبت كل شئ ينهار

وبرضة ماخدتش قرار

ماشي في وسط الناس

لكن جواك وحيد

جواك عنيد

بتشكي من الاحساس

كان نفسك تكون حديد

دا حتى الحديد بيلين

الا البني ادمين

سواء عايشين او ميتين

مات الخير جواهم

الشر جه وملاهم

وصبح الكتير شياطين

والطيب في الزمن دا انقرض

مع ان الاصل فينا الخير

دا المفترض!

لكن هاتقول لمين؟

نفسك تصرخ

لكن صوتك مكبوت

وشك شكله بيبكي

لكن مش طالع لك صوت

معرفش دايماً ليه بتفكر في الموت؟

والدمعه محبوسه

مش عارفه هتروح فين

لا راضيه تفارقك وتنزل

ولا راضيه تخش العين

بتسأل روحك دايما نفس السؤال

ياترى في يوم هتفرح؟

ولا دا شئ محال؟

هتلاقي قلب جنبك؟

ولا دا في الخيال؟

هتحب يوم وتفرح

وتتجوز وتجيب عيال؟

ولا هتموت لوحدك؟

ولاحد هيدرى بيك

تفتكر في حد ممكن في يوم يزعل عليك؟

تفتكر في يوم هتلقى قلب يحس بيك؟

و لا هتيجي ناس

وتنزل دمعتين

ويشاورا على قبرك

ويقولوا يا حرام مسكين

عاش العمر كله وهو حزين

وبرضه يوم ما مات

مات وحيد

مات حزين

 

عمرو خاطر

نوفمبر 2008

Monday, December 1, 2008

نور


نور

نور

-نور اصحى يا حبيببي !

-حاضر.  –اصحى يا واد يلا هتتأخر على المدرسة

-حاضر ياماما خلاص قمت اهوه

يستيقظ نور في السادسة صباحاً كعادتة يومياً من اجل اللحاق بمدرستة قبل موعد طابور الصباح في طريقه الى الحمام في تلك الشقة الصغيرة من المساكن الشعبية يلتقي بوالدة فيجري نحوة بفرحة وسعادة بوجه مبتسم ابتسامة مشرقة بريئة ((صباح الخير يا بابا)) ملقيا بنفسة في حضن والده ثم يقبل يده.

يدخل الحمام يغتسل ويتوضاء ليصلي الصبح كما عوده والده.ثم يذهب الى السفره الصغيرة ليجلس مع والديه يتناولان الافطار المكون من فول وطعمية وخبز تمويني وبيضه واحده تصر والدته  ان يتناولها هو بمفرده لكي ((يكبر بسرعة ويبقى راجل قد الدنيا)) على حد تعبيرها,,بعد الافطار يقبل يد والديه ثم يأخذ حقيبته وينزل مسرعاً لا ليلحق بباص المدرسة فهو يذهب الى مدرسة حكومية عادية  تبعد حوالي كيلو متر من المنزل بل ليلحق باصدقائة حتى لا يمشي وحيداً

وقد اعتاد ان يتمشى تلك المسافة مع اصدقائه وزملائه يومياً.كان طفلاً بريئا مؤدباً كأنه ملاك يمشي على الارض فلم يكن يدرك معنى الخطيئة بعد لم يلوث الشيطان افكاره وقلبه لم يكن يتذمر ابداً على فقر والديه فهو كطفل لم يتجاوز الحادية عشر من عمره كان كل ما يريده من هذة الدنيا القاسية هو حب والديه.

يدخل المدرسة يسلم على اصدقائه يضحكون ويمرحون ثم يصطفون سوياً في الطابور,يحي العلم مع زملائه بكل حماس وسعاده وحب فقد علمه والده ان يحب مصر لم يكن يدرك وقتها معنى كلمة وطن ولكنه كان يحب مصر.

يدخل الفصل يجلس في مكانه المعتاد يدخل الاستاذ حازم اصغر استاذ فى المدرسة وكان الكل يخاف منه ويعمل له الف حساب حتى زملائه المدرسين والناظر ايضاً كانوا يخافون منه فقد كان حازم كما يقولون ((مسنود من فوق قوي))نظرا لتعينينه في المدرسة بعد وقف التعينات منذ الثمانينات.

ييصرخ حازم في الطلبة

-- اللي معملش الواجب يطلعلي بره.

ينكمش نور في مقعده فقد نسى ان يحل واجب الاستاذ حازم.ينظر حازم للطلبة فلا يخرج احد فينظر بنظره غاضبة متوعدة ويصرخ مرة اخرى قائلاً

--هافتش ع الواجب واحد واحد فاللي معملوش يطلع دلوقتي احسنله بدل ما تبقى وقعته سودا زي يومه.

يخرج نور وهو وثلاثة من زملائه

-معملتوش الواجب ليه يا بهوات؟

-معلش والله يا استاذ والله اخر مرة نسينا معلش والنبي يا استاذ. يجاوب احدهم

-وانت بقى ان شاء الله المحامي بتاعهم؟ينظر حازم للطفل ثم يكمل - نسيتوا؟! ماشي انا هوريكوا علشان تبقوا تنسوا كويس بعد كده.

يمسك حازم بعصا غليظه ويتوجه نحو احدهم قائلاً - افتح ايدك كويس واعمل حسابك الفلتة ب 3

يضرب التلميذ بعنف 3 خبطات بالعصا على يديه الصغيرة ونور يشاهد هذا المشهد وهو يرتعد فلماذا يتعامل معهم هذا المدرس بتلك الوحشية؟ينتهى حازم من معاقبة الطفل الاول ثم يتوجه نحو نور صارخاً -افتح ايديك انت كمان اخلص.

يمد نور يده ببطئ وهي ترتعش من الخوف.كم انت مسكين يا صغيري ماذا فعلت لتستحق تلك الوحشية؟وكيف ستتحمل تلك اليد الرقيقه هذا التعذيب؟.يرفع حازم تلك العصا القاسية -التي اكاد اقسم انها لو لها قلب لرقت لحال هؤلاء الاطفال الابرياء-ثم يهوي بها لتحتضن تلك العصا هذه اليد البريئه في تلاحم مؤلم وعنيف يصرخ على اثره نور من الالم وتنهمر دموع الالم من عينيه نتيجة طبيعية لهذا التلاحم.

-افتح ايدك انجز لسالك عصايتين.

يمد نور يده الاخرى لتلقى نفس مصير شقيقتها يمدها ببطئ وخوف أشد من المره السابقة فهو الان يشعر بألم النتيجة يمدها وعينيه معلقه في السماء ينظر للعصا وهي تهوي مرة اخرى لتقترب من يده ليسحبها من تحتها بسرعة في ردة فعل طبيعية ناتجة عن خوفه لتهوي على ساق الاستاذ.

-يا ابن الكككككلب طب استناني بره يا روح امك وحياة امك لاوريك . يقولها وهو يرمقه بنظرة غضب وتوعد

-خلاص والنبي يا استاذ اسف والله غصب عني ايديا اهي. يقولها نور والدموع تجري انهاراً على وجهه البريء وهو ينظر للمدرس بنظرة استعطاف عله يرفق بحالة

-بره يالا.

 يدفعه بعنف الى خارج الفصل ثم يخرج خلفه مباغتاً اياه بصفعه قوية على وجهه ثم يتبعها بركلة شديده في صدره ليقع نور على أثر تلك الركلة ويصطدم بالارض في عنف,فيواصل هذا الوحش الموجود في صورة مدرس ركلاته لهذا الجسد الهزيل ثم يجره ويلقي به داخل الفصل قائلاً

-اترزع في تختتك

يحاول نور ان يقوم فيساعده احد اصدقائه لكي يجلس في مكانه ثم يريح رأسة على الدكة امامه.....يضع رأسه ولا يرفعها مرة أخرى ....الى الابد

مسكين يا صغيري ولدت في بلد فيها الانسان رخيص عند حكامها قتلت يا نور من اجل ماذا فأنت لم تغرق عبارة او تسرطن شعباً بأكملة لم تحرق البسطاء في قطار او حتى في قصر ثقافة

مسكين يا صغيري ولدت في هذا الزمن القاسي كل ذنبك ان والدك كان فقيراً في بلد الفقراء بها بلا ثمن.

 

 

 

اهداء الى روح البطل الحقيقي الشهيد / اسلام عمرو بدر

Monday, November 24, 2008

رسالة لنفسي


رسالة لنفسي!

===

امسك نفسك

ارفع راسك

الراجل ابداً ما بيبكيش

هتقابل دايماً هموم و صعاب

لكنك مش هتموت هتعيش

قالوا كفاية عليك قلبك

وقرش في جيبك للتراويش

والناس دي كلها احبابك

لكن بس لنفسك عيش

==

اوعى تأمن يابني لحد

وان حد قدملك سبت

اوعاك يا بني تقدم حد

اوعى تنفذ كلمة هات

لكن على قد ما تقدر خد

واوعى تصدق كلام الناس

دا كلام لا يصد ولا يرد

واوعاك يا ابني والإحساس

دا طريق ونهايتة حارة سد

واوعى يا ابني تعيش خواف

او على قلوب الناس تخاف

واوعى في يوم تحب بجد

دا الحب دا وهم كبير

الدنيا دي غش وكدب

وياما هتشوف من دا كتير

--

دا ذنبك انت من الاول

عشت وفاتح قلبك للناس

واما الكل باعك , سابك

دلوقتي واقف محتاس؟!

لملم نفسك داوي جروحك

طور نفسك يلا قوام

افكارك دي عليها تراب

عشت و ضاع عمرك كلة

وانت بتجري ورا سراب

وتقول بكرة راح تتعدل

ويفوت بكرة وبعدة يفوت

والحال هو نفس الحال

وانت من جواك بتموت

جواك الف سؤال و سؤال

وطريقك كلة الغام

اية؟ بتقول اية؟؟

يعني اية كلمة أحلام؟؟؟!

دي حاجات من الزمن البعيد

دا "الحزب" بقى فكر جديد

وانت لسة زي ماانت

دا انت بتهرج أكيد.....

عمرو خاطر

نوفمبر 2008

Monday, October 20, 2008

راحو فين؟


راحوا فين؟

حاجت كتير ضاعوا مني

بحلم في يوم اني الاقيهم

حاجات كانو حتة مني

وعمري ما كنت بخبيهم

باسأل نفسي دايما راحو فين

وقعو مني ولا تاهو وسط زحمة السنين؟

--

راحت فين؟

رعشة اديا اول يوم في الدراسة

وانا لسة عيل شاري اول كراسة

وبكتب على سطر وبسيب سطر

بكتب بالرصاص مش بالحبر

--

راحت فين؟

الجلابية البيضة الصغيرة

متفصلة عليا بالمسطرة

فرحان وانا نازل اجري بيها

بجري علشان الحق الصلاه

--

راحت فين؟

شمعة فانوسي الجديد

دا ماكانش بلاستيك دا كان حديد

اجري بيه انا والعيال

وانا قلبي فرحان ووشي سعيد

--

راحت فين؟

لمة صحابي واحنا صغار

قاعدين نتفرج على القط والفار

كان هما 10 دقايق كارتون

ماهو اصل ماكنش فية سبيس تون

--

راحت فين؟

الضحكة اللي تجلجل جوة قلبي بجد

وانا عمري في يوم مازعلت حد

ولو حد زعلني اسامحة

منا عمري برضة ماشلت يوم من حد

--

راحت فين؟

راحة بالي لاتعبت ولاسهرت ليالي

لاشلت هم الثانوية

ولا هاجيب كام في المية؟

وهدخل انهي كلية؟

دي حاجات ماكانتش في خيالي

--

راحت فين؟

لمعة عنيا و فرحتها

بصوت حبيبتي و ضحكتها

لما بنلعب انا وهي

مع بعض سوا قدام بيتها

--

راحت فين؟

بنت الجيران اللي كانت اجمل من الجمال

اللي حبتني انا دونن عن باقي العيال

بيقولو انها اتجوزت

و اخوها الصغير بكره راح يبقى خال

--

راحت فين؟

كراسة الرسم والالوان

وقلمي الرصاص والمسطرة والاستيكة كمان

كل الحجات دي واكتر راحوا مني

وسابوني كأني كتاب

مش باقي منة غير عنوان!!!

راحوا فين؟؟؟

عمرو خاطر

أكتوبر2008

Thursday, September 25, 2008

عندما يُكرة الربيع


عندما يُكرة الربيع اذا ما سألت أحد الأشخاص عن الفصل المفضل لدية من فصول السنة في الغالب تكون الاجابة هي فصل الربيع يقولها لك وكأنها بديهية ولا تحتاج الى نقاش واذا تبعت السؤال الأول بسؤال اخر...ولماذا الربيع ؟جاوبك ببساطة من أجل اشجارة الخضراء وجوة الجميل وأزهارة الزاهية و الى أخرة من تلك الاشياء... ولكنني اكره الربيع ربما أكون الوحيد في العام الذي يكرهه! عندما يأتي أشعر بالحزن وأظل احسب الوقت واعد الايام المتبقية له حتى يغادر.يسألني الناس دائما عن السبب وراء تلك العداوة والكراهية لهذا الفصل الجميل.لماذا تكره الربيع؟؟؟ فلا ادري بما اجيبهم فانا لااستطيع ان اخبرهم بالحقيقة فلذلك أحاول ان أختلق الاكاذيب التي تبعدهم عني مثل ...لا اعلم اكرهه هكذا دون اسباب ,, او انني احب الشتاء اكثر ,,,او العذر المفضل بالنسبة لي ..لانني مصاب بالحساسية وكثرة الورود في الربيع تسبب لي ضيق في التنفس.... ولكن السبب الحقيقي خلف تلك العداوة ان اللربيع كلما يأتي يحرمني منها!! نعم اكرهه لانه يحرمني منها. هي التي عندما رأيتها لاول مرة عرفت انني اعشقها كانت هي فتاة احلامي نصفي الاخر توءم روحي كما يقولون.الفتاة الوحيدة التي تمنيت ان اتزوجها عندما رأيتها لاول مرة رغم ان عقلي الصغير لم يكن يعرف معنا الزواج ولكنني قلبي الطفل كان يعرف انه لا يريد سواها كان يعرف ان الامان لديها هي. اعشقها منذ ان كنا اطفال نلهو ونمرح سوياً في الشوارع والطرقات.اتذكر يوما كنا نلعب سويا في الشارع بعيدا عن بيوتنا قليلاً وامطرت الدنيا نظرت اليها ثم قلعت قميصي لاعطية لها حتى لا تبتل ولا تشعر بالبرد اتذكر يومها جيداً لانة اليوم الذي عرفت فيه انها تحبني ايضاً عرفت ذلك من نظرة القلق والخوف في عينيها بعد خروج الطبيب من عندي معلناً اصابتي بنزلة برد حادة و تلزمني الراحة في السرير عدة ايام,اتذكر انه طوال تلك الايام والتي اعتبرها من اسعد ايام حياتي انها كانت تأتي يوميا لكي تطمأت علي وكانت تأتي لي بالحلوى ومن يومها وانا احبها واحب الشتاء.. كانت تسكن في العقار المقابل لعقارنا كان يفصلنا شارع صغير ولكن من حسن حظي ان شباك غرفتي كان مقابلاً لشباك غرفتها.كنا نقف في الشباك بالساعات نتحدث في هذا الهاتف اللعبة الذي صنعناة من علب الايس كريم وخيط طويل. كان امام بيتهم شجرة كبيرة وكانت فروعها تمتد امام شباك غرفتها وفي وقت معين من العام تخضر هذه الشجرة وتنبت اوراقها بكثافة وتتكاثر الفروع وتحجب عني رؤيتها سألت ابي يوماً لماذا تخضر الشجرة وتمتلئ بالاوراق في هذا الوقت من العام تحديداً؟اجابني وهو يبتسم لانه فصل الربيع وفي هذا الفصل تزهو الاشجار وتنبت الاوراق عليها وتنبت الورود الجميلة بمختلف الوانها. اذاً هذا هو اسمة (الربيع) هو الذي يحرمني من الحديث معها في الشباك يومياً.... ومتى تسقط تلك الأوراق مرة اخرى يا ابي؟ في الخريف يا ولدي.... ومن يومها وانا اكره الربيع لانه يحرمني منها وانتظر بفارغ الصبر ان يأتي الخريف....... عمرو خاطر